Di Nando Cimino
Non c’è zona della nostra Sicilia dove non si festeggi San Giuseppe. Tanti i centri, grandi e piccoli, dove in onore del patriarca si organizzano falò, altarini, tavolate o le tradizionali processioni. Noi vogliamo proporvi una serie di frasi e di antiche invocazioni che è ancora oggi possibile ascoltare in talune zone della nostra isola in occasione di tale festa. Ovviamente, qualora ne conoscete altri, non esitate a scriverli.
San Giuseppi nun m’abbannunati
tra bisogni e nicissitati,
e luratu sempri sia
lu nnomu di Ggesù, Giuseppi e Maria
…
San Giuseppi cu sò vastuni
ci scippa l’occhi a li mali pirsuni.
…
San Ciusippuzzu Vui siti patri,
e virgini fustivu comu la matri,
Maria è la rrosa, vui siti lu ggigghiu,
datimi aiutu riparu e cunsigghiu.
…
San Giuseppi miu dilettu
ntà sta casa iò v’aspettu
cu lu ddimonio nun mi lassati
fora mannatilu senza pietati.
Patriarca mmaculatu,
di Ggesù patruzzu amatu,
castu spusu di Maria
prutiggiti e sarvati l’arma mia.
…
Ggesù Giuseppi e Maria,
vi dugnu lu cori e l’arma mia!
…
A Maronna lavava, Giuseppi stinnneva,
u Bbamminu chianceva ca u latti vuleva.
…
Gesù, Giuseppi e Maria,
siti a sarvizza di l’arma mia.
…
San Giuseppi n’tà ogni ‘mpirugghiu
datimi aiutu, spiranza e cunsigghiu
