Festa dell’Immacolata: la poesia siciliana.
- I versi di Giuseppe Lodato celebrano la Festività dell’8 dicembre.
- Un componimento che scaturisce dal cuore.
- La lingua siciliana rende queste parole ancora più sentite.
Una poesia di Giuseppe Lodato dedicata alla Festa dell’Immacolata. Giuseppe Lodato è nato e cresciuto a Salemi e oggi vive ad Alcamo. È dottore in economia e commercio e terziario francescano. Nel 2019 ha pubblicato il suo primo libro: “Salemi viaggio in un passato impresso in cartoline, versi e racconti” (edizioni Nova Millennium Romae).
Oh Cuncetta ‘Mmaculàta,
‘ntà lu munnu siti amàta
Siti amàta cu ranni rispettu,
scrincìtinni tutti ‘ntà lu pettu.
Stiddàriu e curùna sunnu lucènti,
aiùta cu a tìa s’arrivùrgi pinitènti.
Pinitènti e scunsulàtu,
u piccatùri l’avìti sempri aiutàtu.
Gigghiu purissimu di Nostru Signùri,
visu soavìssimu e chinu d’amùri.
Chinu d’amùri è lu Tò surrìsu,
chi a la nostra vita leva ogni pisu.
Appìsa ntà un pusu na chiavi tinìti,
di lu paraddisu la Riggina sìti.
Riggìna siti e nostra Avvucàta,
Viva Cuncetta ‘Mmaculàta.
Ntà l’avutru pusu un ròggiu vi penni,
di lu tempu chi scurri n’addifènni.
N’addifènni puru ravanti a Diu,
sutta lu Tò mantu bona nni finìu.
Tri ancileddi ti fannu cumpagnìa,
pi prutègginni ‘ntà la vìa.
‘Ntà la vìa nun nni lassàri,
senza ri Tìa comu avìssimu a fàri.
Scàccia cu lu pèri lu sirpènti, oh Marìa,
siti la spiranza di l’arma mia.
L’arma mia è scunsulàta,
si m’abbannùni Maria Mmaculata.
A li Tò peri puru la luna,
Maria ‘Mmaculàta si la nostra furtùna.
La nostra furtùna è chi si nostra Matri,
e dittu dittu nni porti a lu Patri
Quannu l’occhi si pòsanu ‘ntà lu Tò visu,
pari chi virinu lu paraddìsu.
Lu paraddìsu si Tu voi ni rapi li porti,
quannu arrivirà l’ura di la nostra morti.
‘Ntà lu pettu li manu scrincìti,
li Tò figghi dunn’egghiè prutiggìti.
Prutiggìti e dati saluti a nichi e ranni,
picchì ogni età avi li sò affanni.
Riggìna di lu cielu e di la terra vuciàmu,
Maria ‘Mmaculata tutti t’amàmu.
T’amàmu giusti e piccatùra,
‘ntà sta terra siti la cchiù bedda criatùra.
Quannu arriva la Tò festa,
tutta la terra a rennìti onùri s’apprèsta.
S’apprèsta lu riccu e lu puvureddu,
lu parrinu, lu monacu e lu fraticeddu.
Si sfurnucìa la menti mìa,
pi truvàri li paroli e finìri sta puisìa.
Sta puisìa cu tantu amùri fu criàta,
e allùra Viva pì sempri Maria ‘Mmaculata.
