Si ti senti cuntraniatu e ti scrusci puru a panza
ittari quacchi piritu po aviri a so ‘mpurtanza.
T’alliggirisci u sensiu ti senti scarricatu
pi tuttu du gran pisu ca avevi suppurtatu.
Certu u nnè na cosa ca po fari unni è gghè
picchi pu galateu scusanti nun cci nnè;
ta mettiri di cantu ta fari musciu musciu
e a stari ca spiranza ca ti nesci senza scrusciu.
Certu u galateu un fici bbonu u cuntu,
picchì cc’è puru a puzza e chidda nun fa scuntu.
Sbommica cuntenta ‘ntò nasu mmesti a tutti
e di lu galateu cu rispettu si nni futti!
