Stidda stralucenti
Stidda stralucenti
nta sta notti chi cala
pigghia lu trisoru di petri priziusi
e cunta li pampineddi
una a una.
Canta dda canzunedda
chi ricitavi di picciridda,
comu na litania pirpetua
dicennu: m'ama, non m'ama,
m’ama non m’ama!
E siddu lu cori canta,
pirchì finisci filici la cunta,
chiudi ddu ciuri a chiavi
e mettici ncatinazzu
prima chi si l'arrobba
lu rifardu latruni.
– Traduzione-
Stella splendente
In questa notte che scende
prendi il tesoro di pietre preziose
e conta le foglioline
una ad una.
Canta quella canzone
che recitavi da piccola
come una nenia perpetua
dicendo: m’ama non m’ama,
m’ama non m’ama!
E se il cuore canta,
perché la conta finisce felice,
chiudi quel fiore a chiave
e mettile un catenaccio
prima che lo viene a rubare
un furbo ladro.
Di Angela Maria Lina Intruglio
